ХҮНИЙ НӨӨЦИЙН ТАЙЛАН

                                             2024.12.27                                                                                                         Сүхбаатар сум

Засгийн газрын 2022 оны 487 дугаар тогтоолоор “Төрийн захиргааны албан тушаалын ангилал, зэрэглэл, түүнд хамаарах албан тушаалын жагсаалт”-д өөрчлөлт орж, Газар зохион байгуулалт, геодези, зураг зүйн газрын даргын 2023 оны Б/10 дугаар тушаалаар “Аймгуудын Газрын харилцаа, барилга, хот байгуулалтын газрын зохион байгуулалтын бүтэц, орон тоо, албан тушаалын ангилал, зэрэглэл жагсаалт”-ыг шинэчлэн баталсантай холбогдуулан Газрын даргын 2023 оны А/01 дүгээр тушаалаар  “Зохион байгуулалтын бүтэц, орон тоо, албан тушаалын ангилал, зэрэглэл жагсаалт”-ыг 2 хэлтэс 43 албан хаагчтай байхаар шинэчилсэн.

Тайлант оны жилийн эцсийн байдлаар тус газар нь 35 албан хаагчтайгаар үйл ажиллагаагаа явуулж байна.

Үүнээс төрийн захиргааны албан тушаалд 30, төрийн үйлчилгээний албан тушаалд 5 албан хаагч ажиллаж байна.

График 1. Албан хаагчдын ангилал

Тайлант хугацаанд Төрийн албаны тухай хууль, Хөдөлмөрийн тухай хуулиудыг мөрдөж ажиллах, албан хаагчдын нийгмийн баталгааг хангах зорилгоор байгууллагын хөдөлмөрийн дотоод журам болон төсвийн тухай хуулиудтай нийцүүлэн хүний нөөцийн удирдлагыг хэрэгжүүлэн ажиллаж байна. Тайлант хугацаанд хүний нөөцийн удирдлагыг хэрэгжүүлэхтэй холбоотой 26 тушаалын эрх зүйн актын төслийг боловсруулан хянаж, батлагдсан тушаалын дагуу “Төрийн албаны хүний нөөцийн нэгдсэн системд” мэдээллийг тухай бүр шинэчлэн, тушаалын хэрэгжилтийг ханган ажиллаж байна.

1. Төрийн албаны тухай хууль” болон “Төрийн албаны шалгалт өгөх болзол болон шатлан дэвшүүлэх, сонгон шалгаруулах журам”-ын дагуу төрийн жинхэнэ албан тушаалын сул орон тоо гарсан тухай мэдээллийг байгууллагын selenge.gazar.gov.mn вэб хуудас, Сэлэнгэ аймгийн Газрын харилцаа, барилга, хот байгуулалтын газар фэйсбүүк хуудсуудад тус тус 6 удаа байршуулж, олон нийтэд мэдээлсэн.

Мөн “Төрийн жинхэнэ албан хаагчийн сул орон тоог нөхөх, тусгай шалгалт зарлуулах тухай захиалгыг” аймгийн Төрийн албаны зөвлөлийн салбар зөвлөлд 5 удаа хүргүүлж, 8 ажлын байранд тусгай шалгалтыг зарлуулсан.

1. Төрийн албаны зөвлөлийн Сэлэнгэ аймаг дахь салбар зөвлөлийн 2024.06.05-ны өдрийн “Нэр дэвшүүлэх тухай” 39 дүгээр тогтоол, Авлигатай тэмцэх газрын 2024.06.26-ны өдрийн “Хувийн ашиг сонирхлын урьдчилсан мэдүүлгийг хянасан тухай” 05/11081 тоот албан бичгийг тус тус үндэслэн 1 албан хаагчийг Газрын даргын 2024 оны Б/11 дүгээр тушаалаар албан тушаалд дэвшүүлэн томилсон.
2. “Төрийн албаны тусгай шалгалт өгөх болзол, журам”-ын дагуу тухайн албан тушаалд ажиллах тусгай шаардлагыг ханган, Төрийн албаны зөвлөлийн Сэлэнгэ аймаг дахь салбар зөвлөлөөс нэр дэвшүүлсэн 2 иргэнийг Газрын даргын Б/09, Б/26 дугаар тушаалуудаар төрийн жинхэнэ албанд томилон ажиллуулж байна.

1. Төрийн албаны тухай хуульд тусгагдсан “Төрийн жинхэнэ албан тушаалд сонгон шалгаруулж томилох журам”-ын дагуу 1 албан хаагчийн шилжин ажиллах тухай хүсэлтийг үндэслэн Газрын даргын 2024 оны Б/16 дугаар тушаалаар 1 албан тушаалын сул орон тоонд шилжүүлэн ажиллуулж байна.
2. Төрийн жинхэнэ албан хаагчийн албан үүргийг түр орлон гүйцэтгэх журмын дагуу Усан хангамж, ариутгах татуургын хяналтын улсын байцаагч, Геодези, зураг зүйн асуудал хариуцсан мэргэжилтэн, Баруунбүрэн, Жавхлант, Орхонтуул, Түшиг сумдын газрын даамлын албан тушаалын сул орон тоонд 6 албан хаагчтай харилцан тохиролцож тус тус албан үүргийг түр орлон гүйцэтгүүлж байна.
3. Төрийн албаны тухай хуульд тусгагдсан “Төрийн жинхэнэ албан тушаалд сонгон шалгаруулж томилох журам” болон албан хаагчийн хүсэлтийг үндэслэн бусад байгууллагын удирдлагатай харилцан тохиролцож, 1 албан хаагчийг Газрын даргын Б/01 дүгээр тушаалаар бусад байгууллагад шилжүүлсэн.
4. Газрын даргын тушаалаар “Хүүхэд асрах чөлөө”-тэй байсан 2 албан хаагчийг Төрийн албаны тухай хууль, Хөдөлмөрийн тухай хууль, мөн албан хаагчдын хүсэлтийг тус тус үндэслэн Газрын даргын 2024 оны Б/18, Б/21 дүгээр тушаалуудын дагуу ажилд томилсон.
5. Албан тушаалын тодорхойлолтод тавигдах шаардлагыг хангаж буй 1 иргэний хүсэлтийг үндэслэн Хөдөлмөрийн тухай хуулийн дагуу Газрын даргын 2024 оны Б/19 дүгээр тушаалаар “Хөдөлмөрийн гэрээ” байгуулан ажиллуулж байна.

Монгол Улсын Засгийн газрын 2024 оны 84 дүгээр тогтоолоор “Төрийн үйлчилгээний мэргэжлийн бусад байгууллагын албан тушаалын зэрэглэл, түүнд хамаарах албан тушаалын жагсаалт”, мөн 2024 оны 128 дугаар тогтоолоор “Төрийн албаны зарим албан тушаалын цалингийн хэмжээ, доод хэмжээ”-г тус тус шинэчлэн тогтоосонтой холбогдуулан Газрын даргын 2024 оны “Цалингийн санг шинэчлэн тогтоох тухай” А/04 дүгээр тушаалаар албан хаагчдын цалингийн санг шинэчлэн 2024 оны 04 дүгээр сарын 01-ний өдрөөс тооцон олгож байна.

“Төрийн захиргааны албан тушаалын зэрэг дэв, түүний нэмэгдэл олгох журам”-ын дагуу төрийн албанд болон тухайн албан тушаалын ангилалд ажилласан хугацаа, үйл ажиллагааны үр дүн, мэргэшлийн түвшинг үндэслэн нийт 7 албан хаагчид зэрэг дэв олгуулах саналыг Төрийн албаны зөвлөлийн Сэлэнгэ аймаг дахь салбар зөвлөлд хүргүүлж, Сэлэнгэ аймгийн Засаг даргын 2024 оны А/124 дүгээр захирамжаар 7 албан хаагчийн зэрэг дэвийг ахиулан олгуулж, Газрын даргын 2024 оны “Төрийн захиргааны албан тушаалын зэрэг дэвийн нэмэгдэл олгох тухай” Б/08 дугаар тушаалаар цалингийн нэмэгдлийг олгон ажиллаж байна.

График 2.Төрийн захиргааны албан хаагчдын зэрэг дэв.

2024 оны ажлын жилд “Төрийн жинхэнэ албан хаагчийн гүйцэтгэлийн төлөвлөгөө”-г төрийн захиргааны 7 албан хаагч харьяалах нэгжийн даргаар, 16 албан хаагч харьяалах сумын Засаг даргын Тамгын газрын даргаар болон төсвийн шууд захирагчаар, 4 албан хаагч төсвийн шууд захирагчаар тус тус батлуулан гүйцэтгэлийн тайланг Засгийн газрын 2020 оны 218, 2023 оны 301 дүгээр тогтоолуудад заасан хугацаанд, мөн төрийн үйлчилгээний албан хаагчид Хөдөлмөрийн гэрээнд заасан хугацаанд тус тус багтаан дээд шатны албан тушаалтанд ирүүлсэн бөгөөд тайланг үнэлж, дүгнэн Газрын даргын 2024 оны 06 дугаар сарын 20-ны өдрийн “Албан хаагчдад урамшуулал олгох тухай” А/11 дүгээр тушаалаар 33 албан хаагчид урамшуулал олгосон.

1. “Хөдөлмөрийн тухай хууль”, “Ээлжийн амралт олгох ээлжийн амралтын цалин тооцох журам” болон байгууллагын хөдөлмөрийн дотоод журамд тус тус заасны дагуу албан хаагчдын саналыг үндэслэн, “Албан хаагчдын 2024 оны ээлжийн амралтын хуваарь”-ийг Газрын даргын 2024.01.31-ний өдрийн Б/03 дугаар тушаалаар баталж, хуваарийн дагуу албан хаагчдад ээлжийн амралтыг “Ээлжийн амралт олгох мэдэгдэл”-ээр олгон ажилласан.

• Тайлант хугацаанд байгууллагын “Хөдөлмөрийн дотоод журам”-д заасан дараах тусламж, тэтгэмжийг олгосон. Үүнд:
• Албан хаагчдын нийгмийн баталгааг хангах үүднээс албан хаагчийн ахуй амьдрал, ар гэрт гачигдал тохиолдвол буцалтгүй тусламж олгох харилцааг байгууллагын хөдөлмөрийн дотоод журамд тусган шийдвэрлэж байгаа бөгөөд тайлант хугацаанд тус журмын 7.4.1.3-т заасны  дагуу Газрын даргын 2024 оны Б/07 дугаар тушаалаар 1 албан хаагчид тус тус 250,000 төгрөгийн тусламж,
• Ахмад настны тухай хуулийн 12 дугаар зүйлийн 12.1 дэх заалт, байгууллагын дотоод журмын 7.5.2 / Байгууллагаас тэтгэвэрт гарсан өндөр настнуудад цагаан сар, ахмадын баярыг тохиолдуулан хүндэтгэл үзүүлнэ/ дахь заалтын дагуу тус байгууллагаас өндөр насны тэтгэвэрт гарсан 8 ахмад ажилтанд цагаан сарын баярыг тохиолдуулан Газрын даргын 2024 оны Б/06 дугаар, Ахмадын өдрийг тохиолдуулан Газрын даргын 2024 оны А/15 дугаар тушаалуудаар тус бүр тэтгэмж олгож, хүндэтгэл үзүүлсэн.
• Шинээр хүүхэдтэй болсон 1 албан хаагчид “Хөдөлмөрийн дотоод журам”-ын 7.5.3-т заасны дагуу Газрын  даргын 2024 оны Б/20 дугаар тушаалаар 100,000 төгрөгийн тэтгэмж олгосон.
• Эрүүл мэндийн байдлын улмаас удаан хугацаагаар эмчлүүлэх шаардлагатай болсон 1 албан хаагчид Хөдөлмөрийн дотоод журам”-ын 7.4.1.5-т заасны дагуу Газрын даргын 2024 оны Б/04 дүгээр тушаалаар 500,000 төгрөгийн тэтгэмж олгосон.

Салбарын хэмжээнд зохион байгуулах зөвлөгөөн, хэлэлцүүлэг, сургалтын 2024 оны 22 арга хэмжээ бүхий төлөвлөгөөний дагуу ГЗБГЗЗЕГ-аас зохион байгуулж буй сургалтуудад албан хаагчид тогтмол хамрагдан тус төлөвлөгөөний хэрэгжилтийн тайланг ГЗБГЗЗЕГ-т хагас жилээр хүргүүлж ажилласан.

1. Удирдлагын академийн Төрийн удирдлагын сургуулийн төрийн албан хаагчийн дунд хугацааны мэргэшүүлэх багц сургалтад 2024 оны 03 дугаар сарын 25-ны өдрөөс 06 дугаар сарын 13-ны өдрийг хүртэл 2 албан хаагч хамрагдав.
2. БНСУ-д зохион байгуулагдсан “Тогтвортой газар тариалан ба байгаль орчныг сайжруулах нь” сэдэвт 7 хоногийн сургалтад 3 албан хаагч хамрагдав.

1. Газрын тухай хууль болон холбогдох хууль, тогтоомжид орсон нэмэлт өөрчлөлт, Засгийн газрын 2024 оны 92 дугаар тогтоолоор шинэчлэн батлагдсан Газар зохион байгуулалт хийх журмын тухай ойлголтыг олгох, газар зохион байгуулалтын төлөвлөгөө боловсруулахад анхаарах, газар зохион байгуулалт, хот төлөвлөлтийн цахим системийн нэмэлт хөгжүүлэлтийн талаарх сургалтад танхимын хэлбэрээр 1 албан хаагч, цахимаар 18 албан хаагч хамрагдав.
2. Шинээр олгох газрын хүсэлтийг цахимаар хүлээн авч шийдвэрлэх, мөн газрын кадастрын мэдээллийн системд хийгдсэн нэмэлт хөгжүүлэлтийн талаар болон газрын нэгдмэл сангийн цахим системд бүртгэгдсэн өгөгдөл мэдээллийг засварлах дадлага ажил гүйцэтгэх сургалтад танхимын хэлбэрээр 1 албан хаагч, цахимаар 18 албан хаагч хамрагдав.
3. Улсын Их Хурлын Хууль зүйн байнгын хорооны 2024 оны 04 дүгээр сарын 02-ны өдрийн хуралдаанаар батлагдсан “Журам, маягт, жагсаалт шинэчлэн батлах тухай” 5 дугаар тогтоолын ойлголтыг олгох цахим сургалтад 1 албан хаагч хамрагдав.
4. Мэдээллийн аюулгүй байдал, дотоод системийн хэрэглээ сэдэвт танхимын сургалтад 1 албан хаагч хамрагдав.
5. Аймгуудын Газрын харилцаа, барилга, хот байгуулалтын газрын дарга, улсын ахлах байцаагч, газар, геодези, зураг зүйн хяналтын улсын байцаагч нарыг чадавхжуулах танхимын сургалтад 2 албан хаагч хамрагдав.
6. Улсын хэмжээнд Хот байгуулалтын кадастрын мэдээллийн сангийн цахим системийг нэвтрүүлэх танхимын сургалтад 2 албан хаагч хамрагдав.
7. Сэлэнгэ аймгийн Онцгой байдлын газар болон Улаан загалмайн хорооноос хамтран зохион байгуулсан гамшгаас хамгаалах алба, мэргэжлийн ангийн ажилтан, алба хаагчдыг чадавхжуулах, мэдлэг олгох “Гал түймрийн аюулаас урьдчилан сэргийлэх, эрсдэлийг бууруулах, бэлэн байдлаа хангах” сэдэвт сургалтад албан хаагчдыг 2024.01.11-ний өдөр хамруулав.

___oOo___