"Гудамж" төсөл манай аймагт хэрэгжихээр судалгааны ажлууд хийгдэж эхэллээ.

2013 оноос Монгол Улсад хэрэгжиж эхэлсэн "Гудамж" төсөл манай аймагт хэрэгжихээр судалгааны ажлууд хийгдэж эхэллээ. Авто замын сүлжээг өргөтгөн хөгжүүлэх, гэр хорооллын дэд бүтцийг цогц байдлаар шийдвэрлэх зорилго бүхий тус төсөл өмнө нь нийслэлд болон Увс, Архангай, Хэнтий аймгуудад амжилттай хэрэгжсэн байна. Төслийн ажлын хэсгийнхэн 2017 оны 01 дүгээр сарын 18, 19-ний өдрүүдэд Сэлэнгэ аймагт ажиллаж байгаа ба Сүхбаатар сумын удирдлагууд сумын төв гудамжуудын одоо байгаа байдал, хэтийн хөгжлийн зорилго, цаашдаа уг төсөл манай суманд хэрэгжвэл гудамж талбайгаа хэрхэн яаж өөрчлөх санал зорилготой байгаа талаар ажлын хэсгийнхэнд танилцууллаа. 2017 онд сумын 80 жилийн тэгш ой тохиож байгаатай холбогдуулан тус төсөл манай суманд хэрэгжвэл Сүхбаатарчууд бид цоо шинэ өнгө төрхтэй гудамж талбайгаар алхах таатай нөхцөл бүрдэх нь ээ.