ГАЗРЫН БИРЖИЙН ҮЙЛ АЖИЛЛАГАА

ЗРЫН БИРЖИЙН ҮЙЛ АЖИЛЛАГААГ ЗОХИОН БАЙГУУЛАХ ТУХАЙ ЗОРИЛГО

Газрыг эдийн засгийн эргэлтэд оруулах ажлыг нэг цэгт төвлөрүүлэх, газраар дамжуулж иргэдийг хөрөнгөтэй болгох, ядуурлыг бууруулах, газар, үл хөдлөх эд хөрөнгийн зах зээлийн үнэ ханш бусад мэдээллээр олон нийтэд үйлчилгээ үзүүлэх, зах зээлийн ил тод байдлыг хангах зорилгоор "Газрын биржийн ажиллах журам" болон Газрын биржийн цахим програм хангамжийг боловсруулаад байна. ХЭРЭГЦЭЭ, ШААРДЛАГА Төрийн өмчийн газрыг эзэмшүүлэх, ашиглуулахтай холбогдсон дуудлага худалдаа, төсөл сонгон шалгаруулалтын үйл ажиллагаа хаалттай, ил тод бус, ихэвчлэн танилын хүрээнд мэдээлэл бүхий иргэн, аж ахуй нэгж байгууллага, төрийн тодорхой албан хаагчдын дунд, олон зуучлагчдын хүрээнд будлиантай явагдах, төрийн өмчийн газрыг дуудлага худалдаа, төсөл сонгон шалгаруулалтгүйгээр эзэмшүүлж, өмчлүүлсэн тохиолдлууд нийслэл болон орон нутагт түгээмэл байна. Шинээр газар эзэмших, худалдах, худалдан авах, эрх шилжүүлэх үйл ажиллагаа шат дамжлага ихтэй, цаг хугацаа их шаардаж байна. АЧ ХОЛБОГДОЛ, ХЭРЭГЛЭЭ Газрын биржийг байгуулан ажиллуулснаар газар, түүн дээрх үл хөдлөх эд хөрөнгийн зах зээлийн үнэ ханш, эрэлт хэрэгцээ, ханган нийлүүлэлтийг жигд тогтвортой байлгах, энэ талаарх  мэдээллээр олон нийтэд үйлчилгээ үзүүлэх, мэдээллийг нээлттэй ил тод болгох, газрыг эдийн засгийн эргэлтэнд оруулах асуудлыг нэг цэгт төвлөрүүлж эрчимжүүлэх, Монгол улсын эдийн засгийн хөгжилд бодиттой дэмжлэг үзүүлэх, газраар дамжуулж иргэдийг хөрөнгөтэй болгох, ядуурлыг бууруулах ач холбогдолтой бөгөөд  Газрын дуудлага худалдаа, төсөл сонгон шалгаруулалт, худалдаа, түрээс, барьцаа, зах зээлийн үнийн мэдээ цуглуулах үйл ажиллагааг цахим хэлбэрээр олон нийтэд нээлттэй, ил тод, түргэн шуурхай явуулах юм. Газрын бирж нь дараах үндсэн үйл ажиллагааг явуулна. Үүнд: 1.         Газар өмчлүүлэх, эзэмшүүлэх, ашиглуулах дуудлага худалдаа; 2.         Газар өмчлүүлэх, эзэмшүүлэх, ашиглуулах төсөл сонгон шалгаруулалт; 3.         Монгол улсын иргэн газар өмчлөх эрхээ болон иргэн, хуулийн этгээд газар эзэмших эрхээ бусдад шилжүүлэхтэй холбогдсон арилжаа; 4.         Монгол улсын иргэн газар өмчлөх эрхээ болон иргэн, хуулийн этгээд газар эзэмших эрхээ бусдад ашиглуулахтай холбогдсон арилжаа; 5.         Монгол улсын иргэний газар өмчлөх эрх болон иргэн, хуулийн этгээдийн газар эзэмших эрхийн барьцааны лавлагаа гаргах; 6.         Газар, үл хөдлөх эд хөрөнгийн зах зээлийн үнийн мэдээллийн санг эрхлэх, олон нийтэд мэдээлэх. Газрын биржийн үйл ажиллагааг цахим хэлбэрээр зохион байгуулахаар “Газрын биржийн веб хандалтад програм хангамж”-ийг боловсруулан туршилтын журмаар ашиглаж эхлээд байна. “Газрын биржийн веб хандалтат програм хангамж” нь газрын дуудлага худалдаа, төсөл сонгон шалгаруулалт, газрын худалдаа, түрээ, барьцааны бүртгэл, үнийн мэдээ цуглуулах, дүн шинжилгээ хийх зэрэг үйл ажиллагаануудыг цахим хэлбэрээр зохион байгуулах үндсэн зорилготой бөгөөд админ, хэрэглэгчийн гэсэн үндсэн 2 хэсэгтэй ба газар эзэмшүүлэх, ашиглуулах, өмчлүүлэх эрхийн дуудлага худалдаа, газар эзэмшүүлэх, ашиглуулах, өмчлүүлэх төсөл сонгон шалгаруулалт, газрын худалдаа, түрээс, барьцаа, газар, үл хөдлөх эд хөрөнгийн зах зээлийн үнийн мэдээ цуглуулах, тайлан нэгтгэх үндсэн 6 модультай болно. Одоогийн байдлаар “Газрын биржийн веб хандалтат програм хангамж” нь ашиглалтанд ороод байгаа ба та бүхэн энд дарж  дэлгэрэнгүй мэдээллийг авна уу.