ЗАСГИЙН ГАЗРААС “НИЙГМИЙН ЗАЙЛШГҮЙ ХЭРЭГЦЭЭГ ҮНДЭСЛЭН ГАЗАР ЧӨЛӨӨЛӨХ ЖУРАМ”-ЫГ БАТАЛЛАА

Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийг 2023 оны 12 дугаар сарын 07-ны өдөр батласан бөгөөд уг хуулийн зорилт нь иргэний саадгүй зорчих нөхцөлийг нэмэгдүүлэх, нийтийн тээврийн төрөл, хүртээмж, авто зогсоолын ашиглалтыг сайжруулах, хотын төвлөрлийг сааруулж, гэр хорооллыг орон сууцжуулах, түгжрэл, орчны бохирдлоос үүсэх нийгэм, эдийн засгийн нөлөөллийг бууруулахад чиглэсэн мөн хуулийн хэрэгжилтийг ханган, гэр хорооллыг орон сууцжуулах эхний шатанд газар чөлөөлөлтийг явуулах бодит шаардлага бий болсон.
Дээрх хуулийн хэрэгжилтийг хангах хүрээнд тус хуулийн 10 дугаар зүйлийн 10.7-д “Нийгмийн зайлшгүй хэрэгцээг үндэслэн газар чөлөөлөх журмыг Засгийн газар батална.” гэж заасны дагуу Монгол улсын Засгийн газрын өнөөдөр /2024.03.06/-ийн хуралдаанаар “Нийгмийн зайлшгүй хэрэгцээг үндэслэн газар чөлөөлөх журам“-ыг хэлэлцэн баталлаа.
✅ Тус журмаар нийслэлийн нутаг дэвсгэрийн хэмжээнд төвлөрлийг сааруулах зорилгоор хотын хөгжлийн ерөнхий болон хэсэгчилсэн ерөнхий төлөвлөгөө, нийслэлийн газар зохион байгуулалтын ерөнхий төлөвлөгөө, нийслэлийн тухайн жилийн газар зохион байгуулалтын төлөвлөгөө, Засгийн газрын шийдвэрийн дагуу улс, орон нутгийн төсвийн хөрөнгө, төр, хувийн хэвшлийн түншлэл, олон улсын байгууллага, гадаад улсын зээл, тусламжийн хөрөнгөөр хийгдэх төсөл, арга хэмжээг хэрэгжүүлэх нийгмийн зайлшгүй хэрэгцээг үндэслэн газар чөлөөлөхтэй холбогдсон харилцааг зохицуулах юм.
Нийгмийн зайлшгүй хэрэгцээнд дараах зориулалтаар газрыг чөлөөлнө. Үүнд: