МОНГОЛ УЛСЫН ХАЯГИЙН МЭДЭЭЛЛИЙН СИСТЕМИЙГ ШИНЭЧЛЭХ, ХАМТЫН АЖИЛЛАГААНЫ САНАМЖ БИЧИГТ ГАРЫН ҮСЭГ ЗУРАХ ЁСЛОЛЫН АРГА ХЭМЖЭЭ БҮГД НАЙРАМДАХ СОЛОНГОС УЛСАД ЗОХИОН БАЙГУУЛАГДЛАА

        БНСУ-ын Дотоод хэрэг, Аюулгүй Байдлын Яам болон Монгол Улсын Газар зохион байгуулалт, геодези, зураг зүйн ерөнхий газар хооронд хамтран ажиллах Санамж бичигт гарын үсэг зурах ёслолын арга хэмжээ өнөөдөр /2024.05.24/ тус улсын СӨҮЛ хотод зохион байгуулагдлаа. 

✅ Тус байгууллагуудын төлөөлөл Монгол Улсад 2024 оны 03 дугаар сард ГЗБГЗЗЕГ-т хаягийн системийг шинэчлэх төсөл хэрэгжүүлэхээр судалгаа хийж ажилласан бөгөөд 2024 оны 04 дүгээр сард тус ГЗБГЗЗЕГ-ын удирдлагаас БНСУ-ын Дотоод хэрэг, Аюулгүй Байдлын Яам болон Газар, Геоматик /LX/-ийн Корпорацийн удирдлагуудтай уулзаж хамтран ажиллах талаар санал солилцож, тохиролцоонд хүрсэн билээ.
✅ Энэхүү үйл ажиллагааны үр дүнд БНСУ-ын Дотоод хэрэг, аюулгүй байдлын яамны дэд сайд Ким Мин Жэ болон ГЗБГЗЗЕГ-ын дарга А.Энхманлай нар Монгол улсын хаягийн мэдээллийн системийг шинэчлэх, шинэ технологийг нэвтрүүлэх, боловсон хүчнийг сургаж, хөгжүүлэхэд хамтран ажиллаж, төсөл хөтөлбөр хэрэгжүүлэхээр Санамж бичиг үзэглэлээ. https://v.daum.net/v/20240524124544476
✅ Дээрх арга хэмжээнд БНСУ-ын талаас тус улсын Дотоод хэрэг, аюулгүй байдлын яамны Хаяг, орон зайн хэлтсийн дарга Пак Кван Соп, холбогдох албаныхан мөн Газар, Геоматик /LX/-ийн корпорацийн Хаягийн мэдээллийн төвийн ерөнхий захирал Ким Ми Жон болон бусад төлөөлөгчдийн хамт Монгол улсын талаас ГЗБГЗЗЕГ-ын Орон зайн өгөгдөл, дэд бүтцийн газрын дарга Ж.Гал нар оролцов.