ТӨРИЙН БАЙГУУЛЛАГУУДЫН МЭДЭЭЛЛИЙН САНТАЙ ХОЛБОЖ ӨГӨГДӨЛ, МЭДЭЭЛЭЛ СОЛИЛЦОХ “ДУНДЫН МЭДЭЭЛЛИЙН САН”-Г ШИНЭЭР ХӨГЖҮҮЛЭН ХЭРЭГЛЭЭНД НЭВТРҮҮЛЛЭЭ

      Монгол улсын хэмжээнд “Газрын нэгдмэл сангийн удирдлагын нэгдсэн цахим систем”-ийг төрийн байгууллагуудын мэдээллийн сантай холбож өгөгдөл, мэдээлэл солилцох “Дундын мэдээллийн сан”-г шинээр хөгжүүлэн хэрэглээнд нэвтрүүллээ.

Дундын мэдээллийн сан нь Орон зайн байршил дээр суурилан нийгэм, эдийн засаг, байгаль орчин, дэд бүтэц, статистикийн тоон мэдээллүүдийг харьцуулан дүн шинжилгээ хийн судалгаанд суурилж оновчтой шийдвэр гаргалтад дэмжлэг үзүүлэх төрийн байгууллагуудын эзэмшиж буй орон зайн өгөгдөл, мэдээллийг нэгтгэх, солилцох, мэдээллийн зөрүү, давхардлыг арилгах зориулалттай дотоод мэдээллийн сан юм.

Уг системийг хэрэглээнд нэвтрүүлснээр дараах үр дүн, ач холбогдол гарч байна. Үүнд:

1.Мэдээллийн солилцооны хурд нэмэгдэнэ

2.Давхардал, зөрүүг арилгах

3.Төрийн үйлчилгээг илүү хүртээмжтэй болгох

4.Орон зайн өгөгдлийн уялдаа холбоо сайжирна

5.Зөв шийдвэр гаргах боломжийг нэмэгдүүлэх

6.Хөрөнгө, зардал хэмнэх

7.Эрсдэлгүй, найдвартай мэдээлэл

8.Шинэ технологи, дижитал шилжилт хийх суурь нөхцөл бүрдэнэ.