ГАЗРЫН ХАРИЛЦААНЫ САЛБАРЫН УЛСЫН АВАРГА ШАЛГАРУУЛАХ “ШИЛЖИН ЯВАХ ЦОМ-2025” СПОРТЫН ТЭМЦЭЭН ЗОХИОН БАЙГУУЛАГДАЖ БАЙНА

Монгол Улсын Засгийн газрын 2004 оны 12 дугаар сарын 15-ны өдрийн 238 дугаар тогтоолоор жил бүрийн 5 дугаар сарын эхний долоо хоногийн ням гарагт “Газрын харилцааны ажилтны өдөр”-ийг тэмдэглэн өнгөрүүлэхээр болж 2005 оноос хойш 20 дахь жилдээ тэмдэглэж байна.

“Газрын харилцааны ажилтны өдөр”-ийг тохиолдуулан уламжлал болгон олон арга хэмжээ зохион байгуулагддагын нэг нь Газрын харилцааны ажилтны өдрийн нэрэмжит “Шилжин явах цом”-ын төлөө спортын олон төрөлтийн тэмцээн юм.

Өнөөдөр “Газрын харилцааны ажилтны өдөр”-ийн нэрэмжит “Шилжин явах цом-2025” спортын таван төрөлт тэмцээний нээлт боллоо.

2025 оны уламжлалт тэмцээнд оролцохоор монгол орны өнцөг булан бүрээс ирсэн салбарын төрийн байгууллагууд, төрийн бус байгууллагуудын төлөөлөл оролцсон 12 багийн нийт 400 гаруй тамирчид спортын 5 төрлөөр өрсөлдөн, 3 төрөлт тэмцээн өнгөрсөн 2 өдөр амжилттай зохион байгуулагдаад байна.

Тэмцээнд уламжлалт ёсоор ГЗБГЗЗЕГ, салбарын ахмадын баг, салбарын их дээд сургуулийн багш нарын баг, 21 аймгийн ГХБХБГ, НГЗБА, 4 төрийн бус байгууллагын баг оролцож байгаа бол Чөлөөт бүсүүдийн хамтарсан баг энэ оны тэмцээнд шинээр оролцож байгаагаараа онцлог байна.

Энэхүү тэмцээн нь салбарын албан хаагчдын чөлөөт цагийг зөв боловсон өнгөрүүлэх, эрүүл мэндэд анхаарах, тэдний эв нэгдлийг хангах зэрэг олон эерэг нөлөөтэйгөөс гадна шинэ залуу албан хаагчид нь салбарынхан болон ахмад үеийнхэнтэйгээ танилцах, ойртон нөхөрлөх боломж олгодог юм.

Тус салбарын улсын аварга шалгаруулах тэмцээний шатар, 100 буудалт даам, ширээний теннисний төрлүүд амжилттай зохион байгуулагдаж шилдэгүүд тодорсон байна. Үүнд:

 Шатар эрэгтэй төрөл:

1-р байр Э.Энххуяг (МГЗФЗЗХ)

2-р байр Д.Төмөрсүх (Баруун бүсийн ГХБХБГ)

3-р байр Т.Түвшинбаяр (Хангайн бүсийн ГХБХБГ)

Шатар эмэгтэй төрөл:

1-р байр Г.Хулан (ГЗБГЗЗГ)

2-р байр Б.Энхжаргал (Хангайн бүсийн ГХБХБГ)

3-р байр Х.Уугандалай (МГЗФЗЗХ)

100 буудалт даам эрэгтэй төрөл:

1-р байр Д.Гонгоржав (Салбарын ахмадууд)

2-р байр Х.Оюунбаяр (МГЗБХ, МКХ)

3-р байр Т.Буянбат (НГЗБА)

100 буудалт даам эмэгтэй төрөл:

1-р байр М.Дэлгэрмаа (МГЗФЗЗХ)

2-р байр А.Уянга (ГЗБГЗЗГ)

3-р байр Н.Эрдэнэтуул (Баруун бүсийн ГХБХБГ)

Ширээний теннисний эрэгтэй төрөл:

1-р байр Т.Лхагвасүрэн (МГМНЭ)

2-р байр Г.Энхмөнх (Салбарын ахмадууд)

3-р байр Т.Цэрэннадмид (МГФЗЗХ)

Ширээний теннисний эмэгтэй төрөл:

1-р байр Г.Гэрэлтуяа (ГЗБГЗЗЕГ)

2-р байр Т.Нандинцэцэг (Төвийн бүсийн ГХБХБГ)

3-р байр С.Мөнгөнцэцэг (НГЗБА)

Өнөөдөр тус Тэмцээн нь сагсан бөмбөг, волейболын төрлүүдээр үргэлжилж нэгдсэн дүнгээ гарган, шилжин явах цомын эзэд тодорно.

Нийт баг, тамирчиддаа спортын өндөр амжилт хүсье!