Газрын шинэтгэлийн үндэсний хорооны VIII хуралдаанаар хэлэлцсэн гурав дахь асуудал нь Хаягийн нэгдсэн системийг хэрэглээнд нэвтэрүүлэх тухай байлаа.

Газрын шинэтгэлийн үндэсний хорооны VIII хуралдаанаар хэлэлцсэн гурав дахь асуудал нь Хаягийн нэгдсэн системийг хэрэглээнд нэвтэрүүлэх тухай байлаа.

Хаягийн нэгдсэн системийг хэрэглээнд нэвтрүүлэх ажлын хүрээнд орон нутгуудад шинээр байрлуулсан тэмдэгжүүлэлтийн ажил холбогдох стандартын дагуу хийгдсэн талаар газар дээр нь очиж шалган дүн шинжилгээ хийхийг үүрэг болголоо.

Хаягжуулалтын тухай хууль, Гудамж, зам, талбай, үл хөдлөх эд хөрөнгийг хаягжуулах журам болон 2014 оны “Гудамж, зам талбай, үл хөдлөх эд хөрөнгийн хаягийн тэмдэглэгээнд тавих ерөнхий шаардлага MNS5283:2014 стандарт”-ын дагуу 21 аймгийн 220 сум орон нутгийн төсвөөр 170,365 тэмдэгжүүлэлтийн ажлыг хийж гүйцэтгээд байна.

Иймээс Газрын шинэтгэлийн үндэсний хорооны хуралдаанаар дээрх сумдын газар, эд хөрөнгийн хаяг болон замын тэмдэглэгээ холбогдох стандартын дагуу хийгдсэн эсэхийг газар дээр нь очиж шалгах, дүгнэлт гаргах, цаашид авч хэрэгжүүлэх арга замыг тодорхойлох үүрэг бүхий ажлын хэсгийг байгуулж ажиллахыг Газар зохион байгуулалт, геодези, зураг зүйн газарт үүрэг болгов.